有人問我,其他導師都有打卷一講評,點解你冇嘅?
答:
我呢一刻手頭上其實夠料，絶對吹到勁長一篇出來拋下浪頭嚇下人，又或者係咁話自己貼中邊條邊條，份卷一早收左響HKEAA度，講真，任你UP,，死無對證。
但係我做唔出。
卷二解析打咁長，係因為真心認為對同學仔有幫助(無情情開個FB都係因為篇嘢太長放唔到上IG)，想話比你地知，我真係冇老點你地，教左你地嘅萬能KEY條條都用到，法式旋轉型寫親說理文必須要用，仲有個解題法，次次作文記得用呀唔好比人陰到你呀，係，我係長氣，不過，
我唔會老點你地。
所以你地會發現，TIP CLASS就算得嗰４堂我都格硬塞爆佢，係都要教埋原本精讀班用８堂時間教嘅技巧同埋知識，因為我覺得，我想TIP比你地嘅，唔係幾十條或者幾十篇你睇完都唔記得或者背完想死嘅範文同埋題目，我TIP嘅，係對付考評局嗰種港女式無理又多變嘅試題，KO佢地嘅技巧。你跟住我做，記住我教嘅，你一定用得番出來。
今日考綜合同埋聆聽，好掛心你地，記得無論考成點，都唔好灰心泄氣，我晏Ｄ會嘗試打個詳細有用嘅解出來。
同學們，撐你地！
Search